Karangan Persuasif

      Karangan persuasif yaiku karangan kang isine ngajak para pamaos supaya nuruti apa kang dikarepake pengarang. Mula saka kuwi karangan persuasi biasane nganggo tembung utawa ukara kang bisa “meyakinkan” para pamaos. Dene manut isine, jinising karangan liyane iku bisa awujud narasi, deskripsi, argumentasi, lan eksposisi. Coba wacanen tuladha karangan ing ngisor iki sing awujud karangan persuasif.

Guna lan Paedahe Rekreasi

            Rekreasi iku kalebu kabutuhane manungsa sawise kebutuhan pokoke kecukupan. Mula rekreasi iku uga kalebu kebutuhan sekunder. Jinise kebutuhan sekunder iku werna-werna. Salah sijine yaiku kang diarani rekreasi utawa tamasya.

            Ancase wong rekreasi iku kanggo nyenengake ati, kanggo refreshing utawa kanggo selingan kareben ora bosen ngadhepi urip ing saben dinane. Andharan ing dhuwur iku mung saperangan cilik tujuan rekreasi. Dene tujuan liyane isih akeh banget.

            Rekreasi iku bisa nambah kawruh, kanthi rekreasi wong kang maune ora ngerti dadi ngerti. Sebab kanthi ndeleng asil teknologi manungsa dadi maju lan gelem mikir. Kajaba saka iku uga bisa nambah takwane marang Gusti Kang Maha Agung, sebab kanthi nyawang kaendahaning pamandhangan manungsa banjur syukur lane ling karo sing gawe urip.

            Gegandhengan karo guna lan paedahe rekreasi iku gedhe banget, mula rekreasi iku perlu katindakake saben manungsa, luwih-luwih tumrap para mudha, sebab rekreasi uga bia nambah pengalaman lan pasrawungan ing bebrayan masyarakat.

            Rekreasi iku ora perlu adoh lan larang regane. Jalaran ancase rekreasi iku sing baku bisa gawe senenging ati. Mula doh utawa cedhak, larang utawa murah iku ora salah sijine jaminan rekreasi nanging kang pokok gawe bungahing ati.

                                                                        Kapethik saka Ngleluri Basa Jawi jilid 2 

Tembung Camboran

Tembung camboran dumadi saka tembung loro utawa luwih kang digabung / dirangkep dadi siji, kayata: meja tulis, gedhang goreng, kuping gajah, bale somah lan sapanunggalane.

Manut wujude tembung camboran bisa diperang dadi loro yaitu:

1.     Camboran tugel, yaiku tembung loro sing dirangkep dadi siji kanthi ngurangi jumlah wandane.

Tuladha:

Sureng             : (sura + ing)                dubang             : (idu + abang)

Sepaton           : (sepatu + ing)            dhegus             : (gedhe + bagus)

2.    Camboran wutuh, yaiku tembung loro sing dirangkep utawa dicambor dadi siji tanpa ngurangi jumlah wandane.

Tuladha: buku gambar, kacamata, mahasiswa, laralapa.

Manut kekarepane utawa tegese tembung camboran uga bisa kaperang dadi loro, yaiku:

1.      Camboran tunggal, yaiku tembung kang digabung / dirangkep dadi siji wis ora kena dipisah-pisah maneh amarga nduweni teges anyar.

Tuladha: naga sari, semar mendem, raja lele, balung kuwuk.

2.   Camboran wudhar, yaiku tembung camboran sing tembung siji lan sijine iih duwe teges dhewe-dhewe.

Tuladha:

Buku gambar               = buku sing dienggo gambar

Meja tulis                    = meja sing dienggo nulis

Gedhang goreng         = gedhang sing digoreng

Gladhen

Tembung-tembung camboran ing ngisor iki pilah-pilahna manut teges / arane lan wujude!

1.      Bangjo

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

2.      Randha royal

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

3.      Senapati

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

4.      Dhegus

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

5.      Tapak dara

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

6.      Mata yuyu

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

7.      Lunglit

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

8.      Gubug penceng

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

9.      Semar mendem

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

10.  Uler kambang

Tegese = . . . . . . . . . . . . . . . . . . . .      wujude: . . . . . . . . . . . . . . . . . . . . . . . . . .

Candra

    Unen-unen: alise nanggal sepisan, mripate ndamar kanginan, lakune kaya macan luwe kuwi diarani candra. Candra utawa ana kang ngarani panyandra lumrahe kanggo nyandra perangane awak, solah bawa, lan kahanan, mligine kanggo kang apik-apik.

Tuladha:

-     Alise nanggal sepisan. Katrangan: karepe alise apik. Njlirit, diupamakake karo mbulan  tanggal siji (sepisan).

-       Mripate ndamar kanginan. Katrangan: damar utawa diyan (lampu) iku yen kanginan urupe ora gedhe nanging tetep bisa madhangi. Mriapte wanodya kang dianggep becik kuwi ora amba tur pendirangan nanging kaya damar sing kanginan.

-       Lakune kaya macan luwe. Katrangan: karepe lakune putrid sabisa-bisa kudu alus ora srogal-srogol, utawa yab-yaban, mula dipindhakake kaya mcan luwe, lakune alus nanging mrebawani tur tetep waspada.

Gladhen:

Ayo tembung ing ngisor iki diwenehi katrangan kaya ing dhuwur.

1.      Untune miji timun

Katrangan. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

2.      Gulune ngalung gadhung

Katrangan. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

3.      Bangkekane nawon kewit

Katrangan. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

4.      Pupune amokang gangsir

Katrangan. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

5.      Bathuke nyela cendhani

Katrangan . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Cangkriman

1.      Tuladha:

a.       Yen emboke siji anake loro, yen emboke loro anake siji, yen meboke telu ora duwe anak. (batangane = salak)

b.      Ana wong mateng ngetokake wedus. (ngetokake edhus saka kandhang)

c.       Karwapete, lesbodhonge. (dhokar dawa tipete, tales amba godhonge)

Saka tuladha ing dhuwur sing diarani cangkriman yaiku unen-unen sing kudu dibatang / dibedhek. Wernane cangkriman ana telu yaiku:

a.       Cangkriman pepindhan (tuladha 1)

b.      Cangkriman blendheran / plesedan (tuladha 2)

c.       Cangkriman wencahan / cekakan ( tuladha 3)

2.      Gladhen

Goleka tuladha cangkriman:

1.      Cangkriman pepindhan

a.       . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

b.      . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

2.      Cangkriman blendheran

a.       . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

b.       . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

3.      Cangkriman wancahan

a.       . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

b.      . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .