DEWA RUCI

Bima meguru marang pendeta Durna. Dheweke dikongkon golek banyu sing bisa nyucekake dheweke. Bima lunga menyang Ngamarta. Ngandani lan pamitan marang sedulure. Yudhistira dijaluk katelu adine supaya ngalangi kekarepane Bima. Bima ora iso dialangi. Banjur lunga, pamitan lan jaluk pituduh marang pendeta Durna. Bima ngadep pendeta Durna, Pendeta Durna ngandani yen banyu suci kuwi ana ing alas Tikbrasara. Banjur Bima pamitan marang raja Duryudana lan Pendeta Durna. Bima ninggalna kerajaan Ngastina, mlebu alas sawise ngliwati sakabehan alangan. Lakune bima teka ing gunung candramuka. Bima golek banyu suci ing jero gua lan nyingkirna watu-watu. Ujug-ujug ketemu karo buta loro jenenge Rukmuka lan Rukmakala. Bima diserang buta mau ananging buta mau isa dimusnahna bima. Buta loro mau jelma dadi dewa Indra lan dewa Bayu. Banjur krungu suara ngandani supaya Bima balik ing Ngastina. Ing papan kuwi ora ana banyu suci. Bima gage-gage balik ing Ngastina. Banjur bima teka ing Ngastina marani pendeta Durna sing lagi diadep para Kurawa. Dheweke kabeh kaget meruhi tekane Bima. Kabeh sing teka nyambut tekane Bima kanthi ramah. Pendeta Durna takon hasil lungane Bima. Bima jawab yen dheweka ora nemuake banyu suci ing gunung Candramuka. Dheweke namung nemuake buta loro lan saiki wis dipateni. Pendeta Durna ngomong,yen banyu suci wis ana ing pusat ngisor segara. Bima percaya lan bakal goleki. Karo basa-basi Duryudana menehi nasihat supaya Bima ati-ati. Bima pamitan marang pemdeta Durna lan Duryudana. Bima nemuni sedulure ing kerajaan Ngamarta, dheweke jaluk pamit lunga golek banyu suci. Para Pandhawa nyoba ngalangi ananging ora isa. Bima mlaku nlusuri alas banjur ing tepi samodera. Biam duwe kesaktian saka “aji sangara.” Karo wani dheweke terjun ing jero samodera. Ujug-ujug ana naga nyegat dheweke. Naga ngubet Bima,ananging naga mati ditujep kuku Pancanaka. Bima teka ing pusat ngisor samodera, ketemu karo Dewa Ruci. Dewa Ruci isa jelasna asal keturunane Bima lan nyebut sedulure. Dewa Ruci uga ngerti kekarepane Bima teka ing pusat dasar samodera. Dewa Ruci menehi nasihat, wong aja lunga yen ora ngerti papan kang bakal ditekani. Aja mangan sadurunge ngerti rasa pakanan kang bakal dipangan. Aja nganggo klambi yen during ngerti jeneng klambi kang bakal dienggo. Sapa wae yen ora ngerti, takono karo wong sing wis ngerti. Bima rumangsa ina, banjur jaluk meguru karo Dewa Ruci. Bima dikongkon mlebu ing jero rongga wetenge Dewa Ruci. Bima gumun krungu perintahe Dewa Ruci. Dheweke kudu mlebu liwat dalan ngendi, apa dudu Dewa Ruci luwih ciliktinimbang Bima. Dewa Ruci ngomong. Yen donya seisine isa lebu ing rongga wetenge. Bima dikongkon mlebu liwat bolongan kuping kiwa. Banjur Bima teka ing jero rongga wetenge Dewa Ruci, dheweke weruh samodera amba lan gede, ora ana tepine. Nalika ditakoni Bima jawab yen dheweke namung weruh angkasa kothong sing adoh, ora ngerti ener lor kidul, wetan kulon lan ngisor dhuwur, dheweke bingung. Ujug-ujug padang jingglang, Bima krasa ngadep Dewa Ruci, dheweke ngerti sekabehane ener. Dewa Ruci takon sawijining babagab sing diweruhi. Bima jawab, yen namung werna ireng abang kuning lan putih sing diweruhi. Dewa Ruci menehi wejangan marang Bima. Sawise nampa wejangan, Bima krasa bungah. Dheweke ora krasa ngelih,lara lan ngantuk. Dheweke kepengin manggon ing wetenge Dewa Ruci. Dewa Ruci nglarang, Bima diwejang maneh babagan uripe manungsa, banjur bima metu saka rongga wetenge Dewa Ruci, lan jaluk balik nemuni sedulure ing Ngamarta, Yudhistira nganakake pesta karo keluwarga kanggo nyambut mulihe Bima.

Dening: Ika Dewi Anggrayni

TULADHA WANGSALAN

1.      Jenang gula, kowe aja lali. (jenang gula = glali)

2.      Ngembang garut, nggremeng ora karuan. (k. garut = grameng)

3.      Mbalung janur, geleme paring usada. (balung janur = sada)

4.      Ngembang kacang, mbesengut ora kalegan. (kembang kacang = besengut – dadi mbesengut)

5.      Sekar aren mas, sampun dangu kok boten kepanggih (sekar aren = dangu)

6.      Kembang jambu, kemaruk duwe dolanan anyar. (kembang jambu = karuk = dadi kemaruk)

7.      Roning mlinjo, sampun sayah nyuwun ngaso. (roning mlinjo = so – dadi ngaso)

8.      Klapa mudha, yen kalegan paring apura. (klapa mudha = degan – dadi kalegan)

9.      Kembang gembili, seneng-seneng oleh rejeki. (kembang gembili = seneng)

10.  Witing klapa jawa ing ngarcapada. Salugune wong mudha gelem rekasa. (witing klapa = glugu dadi salugune) (Jawa ing ngarca pada = wong)

11.  Kolik priya, priyagung anjani putra. Tuhu eman, wong anom edi kangelan. (kolik priya = manuk tuhu) (Anjani putra = Anoman – dadi anom)


 sumber: Pepak Basa Jawa

TULADHA PARIKAN

1.      Wedang bubuk, gula Jawa

Ateges  : Yen kepethuk, ati lega

2.      Sepet-sepet, sawone mentah

Ateges  : Diempet-empet, selak ra betah

3.      Wajik klethik, gula abang

Ateges  : Aja suthik, yen tumandang

4.      Godhong kecipir, mrambat kawat

Ateges  : Najan gak mampir, nanging liwat

5.      Kembang jagung, dipethik Cina

Ateges  : Barang wis kadhung dikapakna

6.      Manuk emprit, menclok godhong tebu

Ateges  : Dadi murid, sing sregep sinau

7.      Manuk Kutut, manggunge ngganter

Ateges  : Yen ra nurut, bia keblinger

8.      Yen kembang kembangane kacang, dudu kembangane pusta nyidra

Ateges  : Sih cilik dikudang-kudang, bareng gedhe gawe rekasa

9.      Yen kembang kembangane lamtara, dudu kembang wora-wari

Ateges  : Mumpung sira isih mudha, sing taberi ngati-ati

10.  Esuk nyuling sore nyuling, sulinge arek Surabaya

Ateges  : Esuk eling sore eling, sing dieling ora rumangsa

11.  Awan-awan aja keluyuran, ana pak mantra numpak sekuter

Ateges  : Kapan-kapan aku keturutan, duwe kanca sinaune pinter

12.  Esuk nembang sore nembang, tembange asmaradana

Ateges  : Esuk ngadhang sore ngadhang, sig diadhang ra teka-teka

Sumber: Pepak Basa Jawa

Arane Kembang

Kembang Aren : Dangu
Kembang Blimbing : Maya
Kembang Cubung : Torong
Kembang Cengkeh : Polong
Kembang Duren : Dlongop
Kembang Dhadhap : Celung
Kembang Garut : Grameng
Kembang Gori : Angkup
Kembang Ganyong : Puspanyidra
Kembang Gembili : Seneng
Kembang Gedhang : Ontong/Tuntut
Kembang Jambe : Mayang
Kembang Jati : Janggleng
Kembang Jagung : Jeprak/Sinuwun
Kembang Jambu : Karuk
Kembang Jarak : Juwis
Kembang Kopi : Blanggreng
Kembang Kacang : Besengut
Kembang Kara : Kepek
Kembang Kencur : Sedhet
Kembang Kanthil : Gadhing
Kembang Kelor : Limaran
Kembang Kapas : Kadi
Kembang Kecipir : Cethethet
Kembang Kluwih : Onthel
Kembang Krokot : Naknik
Kembang Krambil : Manggar
Kembang Lombok : Menik
Kembang Lamtoro : Jedhidhing
Kembang Mlinjo : Kroto
Kembang Nangka : Babal
Kembang Pete : Pendul
Kembang Pandhan : Pundhak
Kembang Pace : Nyreweteh
Kembang Pring : Krosak
Kembang Pohong : Ingklik
Kembang Randhu : Karuk
Kembang Salak : Ketheker
Kembang Suruh : Drenges
Kembang Tales : Pancal
Kembang Tebu : Gleges
Kembang Timun : Montro

Sumber: Pepak Basa Jawa

Arane Anak Kewan

anak ampal      : embung

anak angrang   : kroto

anak asu          : kirik

anak pitik        : kuthuk

anak babi         : gembluk

anak bandeng  : nener

anak bantheng : wareng

anak banyak    : blengur

anak baya        : rete

anak bebek      : meri

anak bethik      : menter

anak blanak     : sendha

anak brati        : tongki

anak budheng : kowe

anak bulus       : ketul

anak cacing     : lur

anak cecak       : sawiyah

anak celeng     : genjik

anak coro         : mendhet

anak dara         : piyik

anak dhorang  : tamper

anak emprit     : indhil

anak gagak      : engkak

anak gajah       : bledug

anak gangsir    : clondho

anak garangan: rase

anak garengpung: drungkuk

anak gemak     : drigul

anak glathik     : cecrekan

anak gundhik  : laron/rayap

anak iwak        : beyong

anak jangkrik : gendholo

anak jaran        : belo

anak kadhal     : tobil

anak kakap      : caplak

anak kalajengking : ketupa

anak kancil      : kenthi

anak kebo        : gudel

anak kecapung : jenthit

anak kemangga : ceriwi

anak kepik       : mreki

anak kidang     : kompreng

anak kimar       : kedah

anak kinjeng    : senggutru

anak kinjeng dom : undur-undur

anak kintel       : kentus

anak kethek     : munyuk/kenyung

anak kodhok   : precil

anak kombang : engkuk

anak konang    : endrak

anak kremi       : racek

anak kucing     : cemeng

anak kul/keyong : krikik

anak kupu        : uler

anak kura         : laos

anak kuthuk    : kotesan

anak kwangwung : gendhot

anak laler         : set/singgat

anak lamuk      : jenthik

anak lawa        : kampret

anak lele          : jabrisan

anak lemut       : uget-uget

anak lintah       : pacet

anak lisang      : beles

anak lodan       : jengkelong

anak lutung     : kenyung

anak luwak      : kuwuk

anak luwing     : gonggo

anak macan     : gogor

anak manuk     : piyik

anak menjangan : kompreng

anak menthok  : minthi

anak merak      : uncung

anak nyamblik : slira

anak pe            : genyong

anak pleting     : jaringan

anak sapi         : pedhet

anak sembilang: lenger

anak singa       : dibal

anak tambra     : bokol

anak tawon      : gana

anak tekek       : celolo

anak tikus        : cindhil

anak tongkol   : cengkik

anak tumo       : kor

anak ula           : kisi/ucet

anak urang       : grago

anak wader      : sriwat

anak wagal      : jendhil

anak walang    : dhogol

anak warak      : plenging

anak wedhus   : cempe

anak welut       : udhet

anak yuyu        : beyes

Sumber: Pepak Basa Jawa